Хэвлийдэх үрдээ шивнье....

Тэргэл сартай шөнө нойр хулжаад байх чинь
Тийш ийш хөрвөөсөөр үүр цайлгах шинжтэй
Тольний өмнө зогсоод шалдан гүзээгээ тэвэрлээ
Тогоо шиг том гэдэс арьс язрам түнтийжээ

Ядаж энэ бүгчим халуунд
Яасан ч хөдөлгөөнтэй болсон хүүхэд вэ?
Ямархан царай зүстэй миний бяцхан үp вэ?
Яагаад л тогтож ядаад энд тэнд өшигчинө вэ?

Ээжийнхээ дулааныг мэдрээ юү?
Эгчийнхээ дууг таниа юу?
Аавтайгаа хурдан тоглохсон гээд
Алаг орчлонруу яараа юу?

Ахиад хоёрхон сарын дараа чи минь намайгaa
Аймшигтай өвтөгсөөр тасралтггүй орилуулна
Аав нь тэгэхэд сандарч ээжийнх нь толгойг илбэхэд
Ачит эмч харин алтан гар дээрээ тосноо

Гайгүй тэр үед ээж нь хамаг байдгаараа тэснээ
Гараад ирэхээр нь харин хаа сайгүй үнснээ
Ганц Эгшиглэн эгч чинь л тунирхаж
Гайгуй сайн барьцана байх даа?


Ойрд аав бид хоёр нь чамайгаа хэн гэж дуудах вэ?гээд...
Олон нэрсийн дотроос битүүхэндээ нэгийг хайсаар л....
Олигтой нэртэй ч таарахгүй юм
Олсон нэг нь таалагдахгүй юм
О....гэдэг ер нь хаашаа ч янзын овог вэ дэ?

Ханзны бичлэг зурлага нь амьдралыг шийддэг юм байх...
Хар эртнээс бэлдээд газар хөдлөхөөс өмнө шивнэдэг гэнэ...
Харь холд байгаа ээжийнх нь Монгол нутагт бол
Харин ингэж эрт бэлдэхийг сайны ёрд үздэггүй юм...

Гэвч ээж нь чамдаа нэг л үгийг шивнье
Гэдэснээс гарахаар харин ухаж утгыг нь хэлье
Усыг нь уувал ёсыг нь дагана гэж...
Урьдын хүмүүс хэлсийм гэнэлээ

Дургүй ч байсан ээж нь тэвчээд
Дуугай л чамайгаа сайхан өсгөе дөө
Эрийн дээд эрэлхэг баатар мэт
Эндэлгүй хүү минь том эр болж төрөөрэй

Ганцаардаж гуниглаад байвал
Ганц сайн нудраарай
Эрхэлж баясмаар байвал
Эргэж хөрвөөж тоглоорой

Уураг шимийн сайнаар тэтгэж,хүүгээ....
Уушиг зурхээ тайван байлгая　
Уяран хайлуулах цовоо дуугаараа
Учран золгох өдрөө хүлээж сууяа...ээжий нь

2007/09.27 Япон