Газар хөдлөлтийн дараахи Япон орны өнөөдөр...

Сураг сонсохнээ,Японы газар хөдлөлтийн тухай мэдээ мэдээллүүд Монгол болон бусад оронд бараг сонсогдохгүй болсон бололтой.

Одоо хэдийнэ болтол адилхан хямрах вэ дээ,хаана ч адилхан өөр өөртөө ямар нэг асуудалтайгаас хойш.
Харин ,газар хөдлөлтийн дараахи чичиргээ ,доргио одоо ч гэсэн өдөр бүр үргэлжилж,байгаа гэдгийг хэлмээр байна.Мянган жилд нэг тохиох хэмжээний том газар хөдлөлт гэдгээрээ үлдээх ур уршиг нь нэг байтугай нэлээд олон жил үргэлжлэх бололтой.

Ямартай ч Япон орны өмнө тулгараад байгаа олон арван бэрхшээлүүдийг даван туулах гэж засгийн газраас аваад хувь хүн,албан байгууллагууд бүх нийтээрээ ухамсарлаж,хичээж зүтгэж байгааг ажиглаж болно.
Жишээ болгож,өнөөдөр Тв-гээр үзсэнээ тодорхой тайлбарлах гээд үзье.

Хувь хүн.

Хүүхдийн баяраас гадна хэд хэдэн үндэсний чанартай тэмдэглэлт өдрүүд давхацдагаас жил бүрийн 5сарын яг энэ өдрүүдэд Японд <<Алтан долоо хоног>>буюу их амралт үргэлжилж буй билээ.
Жирийн үед бол бараг 1,2сарын өмнөөс гадаад дотоодод зорчих онгоцны тасалбаруудын захиалгаа өгч,яг амралт эхлэнгүүт аялалдаа гардаг Япон хүмүүс...

Гэтэл энэ жилийн их амралтаа тэд  гамшигт өртсөн газруудад сайн дураараа очиж,өөрийн чадах хирээр туслах аянд маш их идэвхитэй оролцож байна,

Аяллын компаниуд ч энэ чиглэлд хүчээ оруулж байгаа бөгөөд,ямар нэгэн ашгийн бус ,сайн санааны үйлсийн энэхүү аян нь  хамгийн
эрэлттэй байгаа юм байна,
Оролцох зардал нь 3000-4000япон иэний хооронд хэлбэлздэг бололтой.(шатахууны зардал,өдрийн хоол г.м)
Урт усны гутал,ажлын бээлий,алчуур,маск,малгай гээд хар ажил хийхэд биеэ бэлтгэснээс гадна,багахан ачааны үүргэвч үүрч,гартаа дунд хэлбэрийн хүрз барьсан хүмүүсийн
аялалын том автобусаар зорчих цуваа Тоохокүгийн зүг олноор үргэлжилж байгааг харуулж байна.

Очиж чадах нэг нь биеэр,
Очиж чадахгүй нэг нь мөнгөөр
аль алиныг нь чадахгүй бол сэтгэлээрээ туслах гэсэн олон арга энд ид бодит амьдралд дээр хэрэгжиж байна.
Нурсан барилга байшингаас илүү,нураагүй байгаа ч их давалгаа(Цүнами)гаанд түрэгдэж орж ирсэн нөр их шавар лагийг ухаж арилгаx,айлуудын байшин доторхи цэвэрлэгээ гээд(мэдээж байшин дотор их хэмжээний шавар лаг урсаж орсон байгаа)аяга таваг,тавилгуудын хэрэглэж болох зүйлсийг ялгаж цэвэрлэх гэх мэт гэр бүлийн хүн хүч хомс ахмад настан гэх мэт хөдөлмөрийн чадвар багатай ард иргэдэд тус хүргэж байгааг олон арван бичлэгээр харж болно .
http://www.youtube.com/watch?v=q6Pxb9kJvIQ
Зовох цагт нөхрийн чанар танигддаг гэдэг болохоор...дэлхийн олон улс орноос чин сэтгэлийн олон арван хандивийн гараа сунгасантай адил,Япон хүмүүс ч өөрсдийнхөө юу хийж чадах хирээрээ зовлонд унасан нэгнээ тэтгэж,тусалж байгаа нь үнэхээр баярлаж ,бахархууштай бөгөөд тэднээс суралцах зүйл их байгаань мэдрэгдэж байлаа
(Миний хувьд хуруу нэмэрлэж чадахгүй боловч,хушуу нэмэрлэж чадах хирээрээ Японы ард түмний одоогийн бодит байдлыг энэ маягаар та бүхэндээ хүргэх зэргээр хувь нэмрээ оруулж буй ухаантай байгаа билээ.)

Гол нь энд нэгэн шинэ бэрхшээл үүсээд байгаа.
Далайн давалгаагаар туугдаж ирсэн маш их хог,элсний зуурмаг шавар нь хатаад их тоос шороо үүсгэдгээс ,уг (маш бохир)шороо тоосоор амьсгалж буй хүмүүсийн дотор уушигний сүрьеэ өвчин газар авах хандлагатай байгаа гэнэ,

Ялангуяа ахмад настангуудад элбэг бөгөөд ,ганц элс бус,олон арваараа хорогдох байранд амьдарч буй хөгшчүүлийн амны ариун цэвэр хангалттай бусаас шалтгаалж,амны хөндий болон шүдний бохирдолтоос үүссэн нян нь шүлсээр дамжиж дотор цээж,эрхтэнд нөлөөлж,дээрхитэй адил уушигны өвчнөөр өвчилж,улмаар нас барах тохиолдлууд цөөнгүй байгааг мэдээгээр дурдаж байлаа.

нийтлэлийг бэлтгэсэн Окоши Дайрий
(жич:холбогдох зураг,дүрс бичлэгийг-yahoo.jp,youtube.com-с авч ашигласан болно. )
 үргэлжлэл бий