Халуурсан нь...

Охин минь өчигдөр өглөө сэрээд ,,ээжээ толгой өвдөөд байна,,гэхээр нь халууныг нь хэмжтэл яасан гээч...!!!?+41.3хэм зааж,золтой л ухаан алдсангүй.
...дахин хэмжтэл +39хэм...

Жил бүрийн энэ өдрүүдэд Японд ,,О-хиган,,(お彼岸）гэдэг бурхан болоочдын газрыг эргэдэг зан үйлийн өдөр гээд,амралтын өдөр таарсантул,яаран өнөөдрийн жижүүр эмнэлэг аль болохыг шүүж мэдээд ,давхиж очлоо.

Эмнэлэгийн хүлээн авагч эмэгтэй +39 гэж сонсовуу үгүй юу,царайгаа илт хувиргаж<<Томуугийн халдвар авсан байх магадлалтай юм байна,бусад үйлчлүүлэгчдийн аюулгүй байдлын үүднээс та хоёрыг тусгай өрөөнд оруулах хэрэгтэй байна,намайг дагаад явна уу >>гэлээ.

Энэ эмнэлэгт би цаанаа л дургүй билээ.

Гурван давхар,саарал байшин...

<<Хотын төв эмнэлэг >>гэсэн нэртэй боловчиг,үүднээсээ нэг л хуучин,хөндий,бас бохирдуу.

Хөгжсөн Япон орны эмнэлэг гэхэд итгэмгүй сонин мэдрэмж төрүүлдгийм.

Хамгийн гол нь аймаар хүлээлгэнэ.

Үүдэнд хүлээж суугаа өвчтөн гэж бараг байхгүй атал,өнөөх эмч нь хаа нэгтээ өвчтөнүүдээ үзээд явчихдагиймуу?...алга болчихно.

Яаралтай арга хэмжээ авах шаардлагатай өвчтөн,настангууд бол зүглээд хэрэггүй гэлтэй.

Охин маань 2настай байхад , халуураад ,бас л энэ эмнэлэгт ирсийм.

Тэр өдрийн үзлэгийн эмч нь хажуу хотын ямар нэг эмнэлэгээс ирж үзлэг хийнэ,одоохон ирнэ гэчихээд бүтэн хоёр цаг хүлээсиймдаа.
Хүн ч их,улам л нэмэгдээд,бухимдацгаагаад л...

Харин өнөөдөр бол гучхан хором л зарцууллаа..гээлүү,хэхэ.
Инээдэм ч биш л юм байгаа юм да.