Мартагдашгүй агшин минь.

Хэрэв,цаг хором хугацааг зогсоож,ухрааж болдог бол та

бид яг хэзээг,чухам юуг тогтоон барих байсан бол?

Ямархан агшинг л дахин нэг удаа мэдрэхийг хүсэмжлэх бол?

Мартаж чадамгүй нандин дурсамжууд.

Баяртай,жаргалтай,гунигтай,нулимстай үеүүд...

Аав ээж,ахан дүүс,анд найзууд,амраг хань,ачит багш нар,азай буурлууд,ангаахай үрс,ер аль ч бай,яруу уяхан сэтгэлд тань аз жаргалын эгшиг цуурайтуулсаар,тэр л гэгээн өдрийн дурсамжууд

энхрий цээжийг тань  энэхэн мөчид түрэн огшиулж буй гэдэгт би эргэлзэхгүй

 байна.

Магад,тэдний хэн нэгэн нь

 бидний туулж хүрэхгүй алсад

халин одсон байхыг ч  би яахин мэднэ.

Тэгэхээр дэргэд байгаагаасаа илүү,байхгүйгээ үгүйлж,сүүлд учирсан түүнийхээ гэгээн дүр,дотно инээмсэглэл,аминчилж хэлсэн үгийг нь ахин дахин санах гэж,  зүүдэн дунд мэт бүдэг бадаг болоод өнгөрсөн дурсамжаа өнөөх цаг хугацааг урвуулан,хөрвүүлэгч ямар нэг увдисаараа цэглэж,видео кассет шиг ухрааж байгаад,ахин нэг удаа тод томруунаар сайн харж авахсан

 билээ.

Чиний хувьд яг юу вэ гэжүү?

Мммммммммммммммммм.............................................хм.

Их олон бий.

За гурвыг л нэрлье.

Аавыгаа гуйгаад байхад нь хамтдаа Өргөөгийн зурагчинд очиж зургаа даруулаагүй юмсан.
2жилийн дараа зуурдаар одоход нь ямар их харамссанаа нуугаад яахав.

Болдогсон бол тэр мөчийг л залруулаад,хамтдаа зургаа даруулчихмаар......гээд л  бодогдоно шүүдээ.

Мөн хайрт ах эгч нартайгаа хагас,бүтэн сайнд  төрсөн гэртээ заавал уулзалдаж,ээжийнхээ гарын чихэртэй,сүүтэй будаатай цайг уунгаа,инээлдэн,хөөрч баясдаг байсан жаргалтай бага насандаа эргэж очмоор байна.

Сүүлчийнх нь гэвэл...,

дунд сургуультай холбоотой гэж байгаа,хэхэ.

Тэмдэглэлийн сүүлд нь бичнээ.

Харин өнөөдөр найз Саулегийн хүсэлтээр Агшин киноны дуунд зориулан дөрвөн мөрт холбож үзлээ.Уг шүлгийг бичсэний уг учир нь,Сауле найз маань фэйсбүүк хуудсандаа Агшин киноны дууг тавиад,
~картны талханд оочирлон зогсож байсан хүүхдүүдэд зориулав :) гэж байгаад л зах зээлийн үеийн үе буюу бидний эрээн бараан амьдралыг биеэрээ туулсан туршлага,талханд яаж алалцдаг,хэдийг сугавчилж гарч ирдэг байснаа найзуудтайгаа дурсаж, ярьж өглөө.


Би ч эхний хэсгийг нь уншсангүй,гэхдээ л ийм гоё хайрын дуунд талх,гамбир ярьж боломгүй мэт санагдаад,


.~Ийм гоё дууг,картны бараа,талх,гамбиртай хольж ярихгүй шүү,найзаа.кк
Хамаг гоё дурсамжыг минь баллах гэжийшдэ,энэ бүсгүй одоо,хахаха
...гээд л бичээд тавьчихсан чинь ,өөдөөс харин,


~Чи тэгвэл нэг сайхан 4н мөрт биччих, тэгвэл талх, гамбир ярихаа болилоо..гэж байна шүү.
Түрүүлж дуугарсан хөхөөний ам хөлдөнө гэдгийн үлгэр болж,яалт ч үгүй бодолд автсан гэж байгаа.


Юун бодол вэ гэвэл,тавдугаар ангид байхдаа,нөгөө ангийн хөвгүүнийг сургуулын хонгилд зөрж өнгөрөх бүрт хачин их догдолдог байснаа дурслаа л даа.хэхэ.



　　　　
Тэр намайг ер тоохгүйээ,тэрийг нь би мэддэг болохоор 7төгстлөө холоос харж,шохоорхож явсаар, сэм сэмхэнээр мартсан даа.
Мартах ч юу байхав,тэгж хүчтэй бодож барихаа больсон санагдана.
Их гоё инээмсэглэдэгсэн.





Би ер нь тэр үед нэг их инээдэггүй байсан юм боловуу?..их л өөртөө итгэлгүй хүүхэд байж билээ.
Түүн шиг инээмсэглэдэг болохсон,инээмсэглэлээрээ хүмүүст бага ч болов аз жаргал бэлэглэхсэн гэж хожим нь боддог болсон байлаа гэж...


Гэнэхэн бага насныхаа гэнэн хонгор шохоорхолоо эргэн дурссан минь энэ билээ.

Чи дэргэдүүр өнгөрөнө,инээмсэглэл бэлэглэнэ,зүрх зогсоно

Чимээгүйхэн,сэтгэлд хаврын яргуй дэлбээлнэ,сая л ухаарна

Хөвгүүн чамайг тэр л агшинд хайрын бурханаар тодруулна,

                                                                        ганцаар дурлана

Хүний хүн болсон ч нууцхан шүтнэ,гэгээн дурсамжиндаа багтаана

                  ...хавар, ...инээмсэглэл,...яргуй...чи айсуй... 
　　　　　　　　　　　　　　　　　　          
                                                                              А.Дайрийжав　　　　　　　
　　　　　　　　　　　　　　　　　　　　　　　　　2012.5.4.Япон.

Багадаа энэ киног ангиараа кино театрт очиж үзэж байсан ч,нас дэндүү бага болоод тэрүү?... юу ч ойлгоогүй ,харин уг киноны дуу л их гоё санагдаж,сэтгэлд хоногшжээ.

                  　　　     

　　　　　　дуучин Цогоогийн дуулсан ”Агшин” киноны дуу

Агшин

Бүтэлгүй дурлалын аагинд умбаад
Болзоонд хүлээх учрал бүхэнд
Борооны дараах цэцэг шиг
Бие сэтгэл минь ариусна

*Насан туршдаа мартаж чадамгүй
Нэг л агшин гэж байдаг юм тиймүү
Найз минь чи наддаа эрхлээч
Наалинхай аашаа дэлгэн эрхлээч

Гэгээн орчлонгийн эрээн бараанд
Гунигтайяа чамаасаа хагацахын үед
Бухамдал гомдолоо тэвчин өнгөрүүлэж
Би уянга болон эгшиглэнэ

*Насан туршдаа мартаж чадамгүй
Нэг л агшин гэж байдаг юм тиймүү
Найз минь чи наддаа эрхлээч
Наалинхай аашаа дэлгэн эрхлээч

*Би түүнтэй сургуулын хонгилд зөрсөн тэрхүү агшинг дахин эргүүлж ,өөрчилж чаддагсан бол сандралгүйгээр,өөдөөс нь эгц хараад чин сэтгэлээсээ хариу инээмсэглэл бэлэглэх байсан байх?... гээд л мөрөөдөхөд сайхан байлаа.