Соёлын гавъяа,Соёлын гавъяат зүтгэлтэн шагналын эзэд

Японы 32дугаар ерөнхий сайд Хирота Кооки(1878-1948)гийн санаачилгаар бий болж,1937оноос эхлэн олгож буй Япон улсын төрийн эрхэм дээд шагнал болох эрдэм шинжилгээ,судалгаа болон соёлын салбарт үнэтэй хувь нэмэр оруулсан иргэнд олгодог <<Соёлын Гавьяа>>шагналын эзэдээр 2012оны Нобелийн шагналт Яманака Шиняа,алдарт кино найруулагч Ямада Коожи,Хөдөө аж ахуй судлалын эрдэмтэн Ямада Ясүюки,Япон уран зургийн нэрт зураач Мацүо Тошио,урлаг судлаач,шүүмжич  Такашина Шюүжи,хууль зүйн эрдэмтэн Ода Шигэрү нар тодорлоо.Жил бүрийн 11дүгээр сарын3 ны өдөр тохиодог<< Соёлын өдөр>> уг шагналыг эзэн хааны ордонд  Японы эзэн хаан биечилэн гардуулдаг юм байна.

Токиогийн уран зургийн сургуулын багш Хата Шёокичи нь Соёлын гавъяа шагналын одонгийн ерөнхий зургийг зохион бүтээжээ.

                                         
Сонирхолтой нь1955онд,Ваар шаазан эдлэл урлаач Кавай Канжиро,1968онд Орчин үеийн Японы (европ хэвийн) уран зургийн зураач Күмагай Мориказү,1994онд зохиолч,Нобелийн шагналтан Ооэ кэнзабүро,1995онд жүжигчин Сүгимүра Харүко  нар уг шагналыг хүртэхээс татгалзаж байсан юм байна.

Хийсэн бүтээлдээ нэрээ ч бичдэггүй Кавай Канжиро нь нэр төрийн төлөө хийж,туурвидаггүй гэсэн үзлээсээ няцаагүй байна.

Ооэ Кэнзабүро Ардчилсан нийгмийг давсан сүр хүч,үнэ цэнийг хүлээн зөвшөөрөхгүй гэж татгалзав

Жүжигчин Сүгимүра Харүко<<Надад хэт ахадна,дайны үед амь үрэгдсэн жүжигчин нөхдөө орхиод авч чадахгүй>>хэмээн  татгалзжээ.

Нутаг усандаа зожиг зураач нэрээр алдартай Күмагай Мориказү нь зочин гийчинд тун тааламжгүй хийгээд,<<дахиж ингэж ирж ажил бүү алдуул>>гээд шагналыг хүлээж авсангүй

Мөн 1951оноос  дээрхи шагналтай тусад нь олгох болсон,Японы соёлын хөгжил дэвшилд үнэтэй хувь нэмэр оруулж,олны хүндэтгэлийг хүлээсэн иргэнд олгодог төрийн дээд шагнал<<Соёлын гавъяат зүтгэлтэн>>шагналаар Японы түүх судлаач Асао Наохиро,тооцооны онолын хэлбэрт оюун ухааны шинжлэх ухааны судлаач Амари Шюничи,зураач,ном урлан бүтээгч,хүүхдийн ном зохиогч Анно Мицүмаса,удирдаач Иимори Таижиро,Байгалын шинжлэх ухааны доктор,эм зүй судлалын эрдэмтэн Оомүра Сатоши,Японы хөл бөмбөгийн холбооны 9дэх ерөнхийлөгч,хөл бөмбөгийн тамирчин асан,дасгалжуулагч Окано Шюничиро,хууль зүйн эрдэмтэн Канэко Хироши,зохиолч Такэниши Хироко,зохиолч,яруу найрагч Цүцүми Сэйжи,Япон уран зургийн зураач Накажи Юүжин,бодисын зүй(физик)н судлалын судлаач,эрдэмтэн Нишида Ацүхиро,микро биологи судлалын эрдэмтэн Бэппү Тэрүхико,жүжигчин,бүжигчин,Кабүки жүжигчин,9дүгээр Мацүмото Кооширо(жинхэнэ нэр Фүжима Тэрүаки),кино найруулагч,зураач,хүүхэлдэйн кино зохион бүтээгч Мияазаки Хаяао(бусад нэр Акицү Сабүро,Тэрэкомү),онолын шинжлэх ухааны эрдэмтэн Морокүма Кэйжи нарыг шагнахаа өчигдөр албан ёсоор мэдэгдсэн байна.
Дээрхи шагналуудыг Японы соёл,шинжлэх ухааны сайд нь <<Соёлын хэлэлцүүлэг>>хүралдаанаар хэлэлцүүлэн,эцэслэн сонгодог бөгөөд 1997оныг хүртэл эзэн хааны ордонд Соёл,шинжлэж ухааны сайд нь шагналтнуудад олгодог байсныг эзэн хаан биечлэн гардуулдаг болгон журмыг нь өөрчилжээ.