Дэлхийн нэгэн од огторгуйд харван одлоо.

Зиак блогоо бичилгүй хичнээн ч удав даа.Нэг л мэдэхэд 12сар гарчихсан байх юм.
Юу юугүй дэлхий сөнөх гээд,Монголоор дүүрэн лаа шүдэнз бэлдэж байгаа гэнүү?кк.
Балай юм.Сөнөхийн хооронд нэмж гал тавьж дэлбэлэх нь үү?хэхэ.Хэн тэгж худлаа хөөрөгдөөд байдаг байнаа.
Өнгөрсөн жил Японы телевизээр бас энэ асуудлын тухай нилээд ярьсан.Маяа нарын цаг тооны бичиг яасан ийсэн гээд...,тухайн үедээ ч итгэх дөхсөн шүү.Далимдуулаад Монголдоо хариад айраг ууж,тогооны боодог идээд ирсэн,одоо ч хэзээ ч хамтдаа сөнөлцөхөд бэлэн!!нтр гэнүү?хахаха.

За за тоглоом шүү.
...гэснээс тоглоом ч үгүй,саяхан Японы нэг тв сувгаар сонссоноо хальт хүргэвэл 2009оноос хойш нарны илч буурч эхэлсэн(ярьсан хүний нэр ус,цол гуншинг мартсан тул энэ асуудлыг тоймгүй цуурахыг хориглоно!!!кк),10000жилийн солбилцолтой дэлхийн дулаан халж,хөрч байдаг,2012оны 12сард уг цаг үе нь таарч мөсөн галав гэхүү,дэлхий цэвдэгших үе нь эхэлж байгаа юм байх.
Ер нь ч нилээд хэдэн жилийн өмнө бас нэгэн сувгаар дэлхий ойрын 70жилд баруун Европоос эхлэн эрс хүйтрэнэ гэх мэт яриа сонсож байсан тул оргүй ч биш боловуу?гэж ойлгоод байгаа.Тэр нь л үнэн байхдаа.Японы өвлийн цагаар агаар эрс хүйтэрч,хойт,баруун хойт нутгуудаар олон жилийн дунджаас 3-4дахин их цас,хур тунадас унана гэж мэдээлж байсан зэргээс магадлал өндөртэй болов уу?гэж бодлоо л доо.

За за тэр хадуурах яахав.Японд удахгүй16нд төрийн дээд парламентийн хугацаат бус дахин сонгууль болж,цаг төр өөрчлөгдөх магадлал ихтэй болоод,ар араасаа төрөн гарсан 12улс төрийн нам сонгуульд өрсөлдөөд,юун дэлхий сөнөх манатай...
Өдөр бүр сонгууль,улс төрийн мэдээ...,би ч өглөө оройдоо мэдээний цагаар л жоохон харахад ийм байна.Бас гэрийн ойр хавь,гадуур дотуур сонгуулийн сурталчилгааны машин,нэр дэвшигч улс төрчөө суулгаад,цагаан холойгоор цээл хоолойтой эмэгтэй хүний цангинасан их хоолойгоор<<Нэр дэвшигч ....байна>>>гээд л орилоод явна.Мөн уг сонгуультай зэрэгцээд Токёо хотын даргын нөхөн сонгууль болох гээд Япон орон сонгуулиар амьсгалж байна гэхэд хилсдэхгүй байна даа.

Тэдний ихэнхи нь мөрийн хөтөлбөртөө <<Атомын цахилгаан станцыг алга болгоно>>,<<ТПП-гээс татгалзана>><<Татварын нэмэлтийг хязгаарлана>> <<Иргэдийн эрүүл,аюулгүй орчин,амьдралын баталгааг дээшлүүлнэ>>гэх мэт зүйлийг нэрлэж байх шиг ажиглагдсан.
Болгож,бүтээж чаддаг бол сайхан л мөрийн хөтөлбөрүүд байна.
Хөөх нэг харсан улс төржчихсөн явж байна ш дээ.хэхэ.

Бас бус олны анхаарлыг татсан,сэтгэл сэрдхийлгэсэн,эсвэл баярлуулсан мэдээнүүд ч зөндөө байна.
Аргагүй юмдаа,123сая хүн амтай оронд юу л бол юу өрнөж болно шүүдээ.
Харин өчигдөр орой сэтгэлд бяцхан гуниг хуруулсан мэдээ явлаа.Өнөөдөр миний хувьд энэ мэдээ л хамгийн их сэтгэл хөдөлгөж байх шиг байна.

18дугаар Накамүра Канзабүро1955-2012

Учир гэвэл,Японы үндэсний урлаг болох Кабүки-бүжгэн жүжгийн их мастер,Кабүки жүжигчин 18дугаар Накамүра Канзабүро(жинхэнэ нэр Намино Нориаки нь өчигдөр2012 оны 12дугаар сарын5ний өглөө 2цагт
өвчний улмаас эмнэлэгт насан эцэслэжээ.57настай байжээ.

Тэрээр эцэг 17дугаар Накамүра Канзабүрогийн заасан замаар уйгагүй хичээн суралцаж,Накамүра Канкүро хэмээх урлагийн нэрээр 3настайгаасаа Кабүки гийн тайзан дээр бүжиглэн жүжиглэн даруй 54 жил болжээ.
Япон төдийгүй Английн Лондон хот,Америкийн Нъю-Иорк хотзэрэголон оронд айлчлан  Кабүки үндэсний бүжгэн жүжгийн тоглолтыг зохион байгуулж,тоглож дэлхийд Японы үндэсний урлагийг үзүүлэн таниулахад их хувь нэмрээ оруулсан юм.
16дугаар зууны үеэс үүсэн өдийг хүртэл ёс дэг,жаягаа хатуу баримтлан,үеийн үед уламжлагдан ирсэн үндэсний их урлагийг өнөө үеийн залуус бараг сонирхохоо байсан билээ.
18дугаар Накамүра Канзабүро нь уг байдлыг сэрэмжлэн анхаарч,Кабүкиг улам ард түмэндээ ойр болгохын үүднээс уламжлалт маягийг эвдэн,орчин үеийн мюзикл хэв маягтай Кокүүн Кабүки хэмээх шинэ урсгалыг бий болгож,тайзны жүжгийн зохиолч,найруулагчидтай хамтран зохион хүргэж залуус,үзэгчидийг дахин Кабүкигийн ордон руу татаж чадсанаараа их гавъяатай хүн байсан гэдгийг сэтгүүлчид онцлон дурьдаж байлаа.
Түүний тухай бичвэл маш их зүйл бий.
Дараагийн удаад элдэв бичлэг,материал уншиж,нэгтгэн та бүхэндээ хүргэе гэж бодож байна.

Хэдийгээр миний бие одоог хүртэл Кабүкигийн бүжгэн жүжгийг үзээгүй ч,18дугаар Накамүра Канзабүро агсаны их хүний даруу,дөлгөөн дүр төрхөөс ямагт сайн сайхан мэдрэмж,баяр бахархлыг мэдэрдэг байсан билээ.
Үнэхээр залуу сайхан,ид хийж бүтээдэг,зааж сургадаг насандаа бидний дундаас халин одсонд нь гүнээ харамсаж,гашуудаж буйгаа чин сэтгэлээсээ илэрхийлье.
Дэлхийн нэгэн од огторгуйд харван одлоо.

Тэнгэрийн оронд амгалан сайн орших болтугай.