Үнэртэй усанд дурлагсдын клуб

Нэг мэдэхэд дахиад л намар...
Намар бүрийн өнгө өөр,үнэр өөр,дурсамж өөр,дуу ч бас өөр байх юм даа.
Дайрий яасан гээч!!!?
Хамгийн хайртай зөгийнүүд маань энэ 7сард алга болчиховоо!
Гол шалтгаан нь байшингийн маань өмнө байдаг шигүү хулс болоод бусад том моддыг 2сард мэргэжилийн модчингуудаар хөрөөдүүлж(мэдээж цахилгаан хөрөө) унагалаа л даа.
Нар халхалсан модод зуны зусланд л сайхан болохоос бүтэн жилийн турш хөндөлсөхөөр гэр оронд маань гэрэл ч тусахгүй,ямар олигтой байхав...,тэгээд л зуу нас хол давсан моднуудыг унагачихсан.
Тэгтэл яасан байхнав?(Энэ одоо моодны үгүү?Хүн болгон хэлээд байхаар нь дуурайлаа шүү,хэхэ)
Өнөөх модны сүүдэрт аятайхан аж төрөн суудаг байсан ажилсаг бяцхан зөгийнүүд маань зуны халуунд тэсвэр алдсан байх л даа,хатан зөгий нь бүгдийг дагуулаад арилаад өгсөн байна лээ.
Уг нь ч гадарлаж байсан л даа,яаж тэсэх вэ дээ,тэдний ч зөв.
Зөгий гэдэг байгалын зөв,эрүүл,сайн орчинг эрэлхийлдэг амьтан болохоор,дараа зөгийтэй болохоороо энэ алдаагаа давтахгүй юм шүү гээд л гэмшээд сууж байна.

За тэгээд нэг далим шахуу юм гарч ирэв.
Яасан гэхээр найз бүсгүй маань фэйсбүүк дээр байсхийгээд л нэг үнэртэй усанд дурлагсдын клуб гэдэг групп-ын зураг,мэдээлэл дээр лайк дараад байх юмаа.
Эхэндээ анзаарсангүй.Тэгтэл нэг өдөр санаандгүй тэр хуудас руу нь шагайваа.
Хичнээн олон гишүүн байнаа,лав л 30мянга давсан байсан байх.

Тэр хэд ярьж өгч байнаа....

90ээд оны эхээр их дэлгүүрт зардаг байсан аймааааарррр гоё үнэртэй,ногоон шилтэй усны нэрийг мэдэх хүн байна уу? гээд л....
Тэр үеийн сайхан бүсгүйчүүд бараг бүгд түрхдэг байсан бололтой юмаа.
Сэтгэгдэл( коммэнт)үүдийг нь уншаад л байлаа.
Хнммммм,Монголд бас ийм домог болсон ус байсан байхнээ?
Тэгээд ямар ч гоё асууж,ямар ч гоё хариулдаг,ямар ч эвтэй найртай,ямар ч гоё групп вэ?
гээд л шууд тоолоо.
Бүртгүүлнэ л гээд зүтгэчихлээ.

Японд ирээд эхнээсээ л үйлчилгээ,тайлбарлагч,хүлээн авагчийн ажил хийсэн болохоор гадны зочиноор байнга хүрээлүүлж ирсэн надад ажлын шаардлагаас шалтгаалан,зочноо хүндэтгээд ямар нэг өвөрмөц юмуу үнэр ихтэй сүрчиг түрхэхийг хориглодог,зөвшөөрдөггүй байсанаас ч тэрүү үнэртэй уснаас их л ангид явж ирсэн юм байна лээ .
Тэрэндээ ч дасчихсан,хэхэ

Гэхдээ надад үнэртэй усны тухай маш сайхан сэтгэгдэл,дурсамж олон байдгаас тэрүү,дотроо битүүхэн сонирхоод л байсан юм байна лээ лдээ.
Юуны түрүүнд багадаа ээжийнхээ түрхдэг байсан Орос одеклоныг 5,6настайдаа цацаж үзэж,эгч,ах нарынхаа гоё гоё үнэрт мансуурч явсан хүн чинь яаж зүгээр байх билээ.
Өнгөрсөн жил Монгол харихад бага эгч минь нэг сүрчиг бэлэглэснийг харьж ирээд хааяа л нэг түрхэж байлаа.Зөгийнүүдээ уурлуулчихна(уурлачихвал тэд чинь шууд хазна,би бүр хамраа хазуулж байсан гээд боддоо,кк) гээд за бараг түрхэж ч чаддаггүй байсан хүн чинь
өнөө хэдийгээ алга болонгуут л гаргаад,түрхээд эхэлсэн,хэхэ.
Тэгсэн ч нэг л болдоггүй ээ.
Биенийхээ энд тэнд 2,3 түрхээд гарахад төдөлгүй өөрөө сүрчигтээ согтож,дотор эвгүйрхээд байдаг...,би ингэж байгаа юм чинь нөхөрийн дургүйцэх ч арга байжуудээ,хэхэ

Нэг учрыг нь олох хэрэгтэй юм байна даа гээд явж байтал фэйсбүүкийн энэ групптэй тааралдчихдаг нь харин сайхан хэрэг болвоо.

Админ нь эрэгтэй хүн бөгөөд үнэртэй ус цуглуулагч...
Сүрчигний тухай маш их цэгцтэй мэдээллийг,бараг л мэргэжилийн хэмжээнд сайн бичиж,цаг наргүй гишүүддээ анхаарал тавидаг юм байна лээ.

Миний дургүй зарим нэг хуудас байдаг юмаа.
За ээждээ хайртай бол 5секундэд лаайккк!!
Энэ мөнгийг шэйрлээд баяжаарай!!...ч гэх шиг,тэнэг хүн хуурч байгаа юм шиг...
тийм зүгээр л нэг хоосон цээжээ эмзэг сэдэвээр халхалж,хэнд ч хэрэггүй лайк-ийн төлөө улайрдаг хуудсуудаас тэс хөндлөн болох нь илт байв.

Тэгээд яасан?Дайрий ч гишүүн болсон,хүмүүсийн тавьсан мэдээллийг нэгд нэгэнгүй уншиж үзсэн.Харамсалтай нь админ ах(гишүүд нь админ өвөө гэж дууддаг,кк)ын оруулдаг мэдээлэл,туслах админуудын мэдээллийг эс тооцвол ихэнхи нь хээр төөрчихсөн юм шиг уншихаасаа өмнө асуугаад л байдаг нь тун хэцүү санагдсан даа.

Хүн бичээд өгчихсөн байхад,<<ЯМАР УС ЭМЭГТЭЙ ХҮНД ӨГВӨЛ ЗҮГЭЭР ҮҮ?>>,<<ЭНЭ УСНЫ ОРИГИЙГ Нь ЯАЖ МЭДЭХ ҮҮ?>>,<<ЭНЭ УС ХААНА ХЭДТЭЙ БАЙНА?>>гэх мэт бэлэн хоол амандаа халбагадуулах гэсэн хүн их нь бас харамсалтай байсаан...,
Гэхдээ Дайрий дунд нь холилдож явж байгаад үнэртэй усанд дурласан олон сайхан найзтай болсондоо.
Маш их сэтгэл хангалуун байгаа гээд энд цохон тэмдэглэчих үү,хэхэхэ

За тэгээд гол юмаа бичих гээд байна л даа.

Нэгэнт л сонирхсоных,өөрийн хоббигоо бас нэгээр нэмсэнийх гэж мэдлэгээ нэмэхийн тулд номын сангаас хэдэн ном авч эргүүлэвээ.
Тэгээд ер нь үнэртэй ус гэдэг чинь гоёлоос гадна өөрийгөө илэрхийлэх гоо сайхны том урлаг юм байна,бүр сэтгэл санааны алжаал тайлагч маш гайхалтай увидастай зүйл юм байна гэдгийг ойлгосон л доо.
Ийм гоё зүйлийг яаж ганцаараа булагнаад уншаад дуусч болох вэ?гээд орой харьж ирээд бага багаар орчуулах гэж оролдож үзлээ дээ.

Дараагийн бичлэгтээ эхний хэсгийг нь оруулъя.

Та нар минь ч гэсэн сонирхвол фэйсбүүкийн <<Үнэртэй усанд дурлагсдын клуб-Mongolian Fregrance Lovers>>хуудсанд нэгдээд мэдээлэл уншиж,сонирхол нэгтэй найзуудаа олж аваарай.

https://www.facebook.com/groups/653412084702479/